شەربەتی مێوژی خۆماڵی لە ماڵدا دروست بكە

بۆ ئەوەی شەربەتێكی خۆماڵی بەدەستی خۆمان و لە ماڵی خۆمانەوە درووست بكەین دەتوانین لەم چەند كەرستە و رێگایانە شەربەتێكی مێووژی نایاب درووست بكەین :
كەرستەكان
- نیو كیلۆ مێووژی باش
- (10) گلاس ئاو
- (0.5 )كیلۆ شەكر
- دەرمانی رەنگی مێووژ (نیو كەوچك چای)!
لەم كەرستانەی سەرەوە دەتوانیت بە سادەترین شێوە شەربەتەكە درووست بكەیت :
- سەرەتا مێووژەكە جوان پاك بكەرەوە و بە ئاو بیشۆ.
- (10) پەرداخ ئاوەكە بهێنە و مێوژەكە بخەرە ناو ئاوەكە، بۆ ماوەی (4) كاتژمێر لێیگەڕێ تاوەكو مێوژەكە وەك ترێ گەورە دەبێ.
- ئینجا لەناو پێژنگێكی پاك ئاو و مێوژەكە بپازنە بۆ ئەوەی دەنكە گەورەكانی مێوژەكە جیابكرێتەوە.
- پاشان ئەو ئاوەی مێوژەكەی تیایدایە لەگەڵ مێوژەكە بخەرە ناو ئامێری خەڵاتە، تا مێوژەكان تەواو ورد دەبن. ئینجا شەكرەكەی تێبكە بۆ ئەوەی تەواو تێكەڵ بێ.
- دواتر رەنگی مێوژەكەی تێبكە و بۆ ئەوەی رەنگەكە وەربگرێت، پاشان بۆ ماوەی (1) كاتژمێر جێبهێڵە، بۆ ئەوەی تەواو رەنگەكە وەبگرێت.
- لە دوا هەنگاودا جیاككردنەوەیەكی تەواوی دەوێت، ئەمەش بەهۆی پارچە قوماشێكی كون بچووكی تیادا بێ، وەك (قوماشی رەفتە)، بۆ ئەوەی ئاوی مێووژەكە بە تەواوەتی پاك بكرێتەوە.
- دواتر دەتوانن ساردی بكەن و نۆشی بكەن!